第二招：明碼實價，問清楚！ 報價亂嚟？小心跌入「價格陷阱」！

天馬行空嘅「電話診斷」

你電話一打過去，連部機都未睇過，對方已經可以話你「主板燒咗」、「電腦中毒」、「要換咩咁零件」，仲報埋個天價。
專業嘅維修絕對唔可能「隔山打牛」。
就好似醫生要見到你個人先會開藥咁，真正嘅工程師一定需要實體檢查過，用儀器測試過，先可以判斷問題所在。
一喺電話就落診斷嘅，99.9%係呃你上門費，呃你檢查費!

恐嚇式銷售

你一諗住唔整，對方即刻話：「你啲家庭相、工作文件好重要掛？唔整就冇晒㗎喇！」
呢種係最卑鄙嘅銷售手段，係利用你嘅恐懼心理。專業嘅公司會提供客觀嘅數據復原方案同收費，而唔會用你嘅珍貴回憶來勒索你。佢哋想救嘅唔係你啲數據，而係你個銀包！

驚天大秘密—— 根本冇換過零件！

俾錢之後，幾個月又再壞，自己一開機箱先發現 *你老* 根本冇換過新零件！對方仲辯稱單據寫嘅係「修理」而唔係「更換」。
係最高級嘅欺騙。要避免呢個情況，除咗揀可靠公司，重點係：
要求歸還舊零件：如果換咗核心零件（如主板、硬碟），你完全有權要求歸返舊個你。
單據寫清楚：務必要求單據上列明「更換XXX型號全新零件」而唔係「維修XXX」。